নিয়মীয়া বাৰ্তা, ১৪ আগষ্ট : স্বাধীনতা দিৱসৰ প্ৰাকক্ষণত আজি ধুবুৰী জিলাৰ গৌৰীপুৰত আৰক্ষীৰ ড্ৰাগছবিৰোধী অভিযানত বৃহৎ পৰিমাণৰ নিচায়ুক্ত টেবলেট আৰু কফ ছিৰাপ জব্দ হোৱাৰ সমান্তৰালকৈ এজন ড্ৰাগছ সৰবৰাহকাৰী কৰায়ত্ত হোৱা বুলি জানিব পৰা গৈছে। জানিব পৰা মতে, গোপন এক তথ্যৰ ভিত্তিত আজি গৌৰীপুৰ আৰক্ষীৰ এটি দলে চহৰখন ১৩নং ৱাৰ্ডৰ হাজি ৰোড অঞ্চলত অভিযান চলাইছিল। দলটোৱে অঞ্চলটোৰ এটা গৃহৰ পৰা বৃহৎ পৰিমাণৰ নিচাযুক্ত টেবলেট আৰু কফ ছিৰাপৰ বটল উদ্ধাৰ কৰাৰ লগতে ছফিকুল হুছেইন ওৰফে বাবলু নামৰ এজন ড্ৰাগছ সৰবৰাহকাৰীকো আটক কৰিবলৈ সক্ষম হয়। বৰ্তমানে ধৃত লোকজনক গৌৰীপুৰ আৰক্ষীয়ে জেৰা চলাই থকা বুলি প্ৰকাশ।
প্ৰেৰক অমিতাভ চক্ৰৱৰ্তী