নিয়মীয়া বাৰ্তা, ২৪ অক্টোবৰঃ দুর্গাপূজা উপলক্ষে মহাষষ্ঠীৰ পৰা একাদশীলৈকে থিয়েটাৰসমূহে পশ্চিম নলবাৰী অঞ্চলত বিশেষভাৱে নাট প্রদর্শন কৰি আহিছে৷ শাৰদীয় দুর্গাপূজা উপলক্ষে আমন্ত্রণ কৰি অনা ভ্রাম্যমাণ থিয়েটাৰ অবিহনে পাৰ হ’ব এইবাৰৰ দুর্গাপূজা৷
ভ্রাম্যমাণ থিয়েটাৰৰ ৫৭ বছৰীয়া নাট্য পৰিক্রমাৰ ইতিহাসত প্রথমবাৰৰ বাবে ঘটিব এনে ঘটনা৷
উল্লেখ্য যে জিলাখনৰ বেলশৰকে ধৰি পশ্চিম নলবাৰী অঞ্চলৰ দুর্গাপূজাত ৮–১০খনকৈ ভ্রাম্যমাণ থিয়েটাৰে প্রতিবছৰে নাট প্রদর্শন কৰি আহিছে৷ বিভিন্ন সংঘ, স্বেচ্ছাসেৱী সামাজিক অনুষ্ঠান–প্রতিষ্ঠানে আমন্ত্রণ কৰি আহিছে থিয়েটাৰসমূহ৷