চুটি ছবিৰে পৰিৱেশ সজাগতা প্রজন্ম উন্মেষৰ

নিয়মীয়া বাৰ্তা, ৬ জুনঃ বিশ্ব পৰিৱেশ দিৱস উপলক্ষে ‘প্রজন্ম উন্মেষ’ নামৰ সামাজিক–সাংস্কৃতিক অনুষ্ঠানটোৱে নিবেদন কৰিছে পৰিৱেশ সজাগতামূলক এখন চুটি ছবি ‘দগ্ধ প্রকৃতি’৷ চুটি ছবিখনৰ জৰিয়তে মহাপুৰুষ শ্রীমন্ত শংকৰদেৱৰ প্রকৃতি আৰু জীৱ জগতৰ প্রতি প্রেম–ভক্তি ভাবৰ প্রদর্শনৰ প্রয়াস কৰা হৈছে৷

গুৰুজনাৰ বিশ্বজনীন প্রকৃতি প্রেম হূদয়ংগম কৰি পৰিৱেশৰ প্রতি শ্রদ্ধাশীল হোৱাৰ বাবে ছবিখনত বাদুলিক প্রতীকী হিচাপে দেখুওৱা হৈছে৷ চুটি ছবিখনৰ কাহিনী–চিত্রনাট্য গিৰিমল্লিকা শইকীয়াৰ, সামগ্রিক পৰিকল্পনা গীতিমল্লিকা বৈদ্য আৰু সম্পাদনা কংকনজ্যোতি ভূঞাৰ৷ সাংস্কৃতিক কর্মী অৰূপ শইকীয়াই পৰিচালনা কৰা ‘দগ্ধ প্রকৃতি’ৰ অভিনয় শিল্পীসকল হ’ল মধুস্মিতা ডেকা, হিমাংশী শইকীয়া,বর্ষা শইকীয়া, মনীষা ভট্ট, দীপান্বিতা ডেকা, সৃষ্টি বৰুৱা, নিয়ৰ হাজৰিকা, মানৱজ্যোতি ৰাজবংশী আৰু সংগীতশিল্পীসকল ক্রমে গুঞ্জন কাকতি, পৰিস্মিতা কাশ্যপ, ইন্দ্রাণী বৰা, ডাৱৰনীল বৈদ্য৷