নিয়মীয়া বাৰ্তা, ২৩ ডিচেম্বৰ : কালি দিনৰ ১২ বজাত কঠীয়াতলীৰ জুমৰমুৰ গাঁৱৰ পিংকু দাসৰ বাসগৃহত এক অগ্নিকাণ্ডৰ ঘটনা সংঘটিত হয়। গাঁওখনৰ গাঁওপ্ৰধান দীপক শইকীয়াই জনোৱা মতে, কৰ্মসূত্ৰে বহিঃৰাজ্যত থকা পিংকুৰ পত্নীয়ে ৰান্ধনী ঘৰত ভাত বনাই থকা অৱস্হাতে জুইৰ সূত্ৰপাত ঘটে। ৰান্ধনী ঘৰটো খেৰৰ হোৱা বাবে জুইৰ অগ্নিশিখাই মূল ঘৰটোও সম্পূৰ্ণৰূপে ভস্মীভূত কৰি পেলায়। প্ৰতিবেশীসকলে জুই নিৰ্বাপণ কৰাৰ চেষ্টা চলাই ব্যৰ্থ হোৱাত ঘৰখনৰ সকলো কাপোৰ, আচবাব, ধানৰ ভঁৰাল, খেৰৰ মেজি নিমিষতে পুৰি ছাৰখাৰ হয়। অগ্নিকাণ্ডত লক্ষাধিক টকাৰ ক্ষতি হৈছে বুলি গাঁওপ্ৰধান দীপক শইকীয়াই জানিবলৈ দিয়াৰ লগতে অতি দুখীয়া ৰুমী বৰদলৈয়ে ঘৰটো পুনৰ নিৰ্মাণৰ বাবে ৰাইজৰ সহায়ৰ লগতে বঢ়মপুৰ সমষ্টিৰ বিধায়ক জিতু গোস্বামী আৰু তিৱা স্বায়ত্ত পৰিষদৰ অধ্যক্ষ মদন বৰদলৈক সহায়ৰ হাত আগবঢ়ায়বলৈ অনুৰোধ জনাইছে।
প্ৰেৰক ঘনকান্ত বৰা