নিয়মীয়া বাৰ্তা, ২ ছেপ্টেম্বৰ : জামুগুৰিহাটৰ কুসুমটোলাত আজি পুৱতি নিশা সংঘটিত হোৱা অগ্নিকাণ্ডত এজন ব্যক্তিৰ গৃহৰ লক্ষাধিক টকাৰ সা-সম্পত্তিৰ ক্ষতিসাধন হয়। অঞ্চলটোৰ দুৰ্গেশ্বৰ ভাগৱতী নামৰ ব্যক্তিগৰাকীৰ গৃহত শ্বৰ্ট চাৰ্কিটৰ ফলত সূত্ৰপাত হোৱা অগ্নিকাণ্ডত ব্যক্তিগৰাকীৰ নগদ বিশ হাজাৰ টকা পুৰি নষ্ট হোৱাৰ লগতে গৃহৰ ভিতৰত থকা কাঠৰ আচবাৰ লগতে বহুতো সামগ্ৰী ভস্মীভূত হয়। অৱশ্যে অগ্নিনিৰ্বাপক বাহিনী অহাৰ পূৰ্বেই স্থানীয় ৰাইজ তথা গাঁওবাসীৰ সহযোগত জুই নিৰ্বাপিত কৰিবলৈ সক্ষম হয়।
প্ৰেৰক হিৰণ্য বৰা