বিশেষ বাৰ্তা, নগাওঁঃ নগাওঁ আৰক্ষীৰ জালত পৰিছে পাঁচজনকৈ ড্ৰাগছ সৰবৰাহকাৰী৷ আৰক্ষীয়ে তিনিটা স্থানত চলোৱা অভিযানত এই সৰবৰাহকাৰী কেইজনক গ্ৰেপ্তাৰ কৰিছে৷ আৰক্ষী সূত্ৰ মতে, শেনচোৱাৰ পৰা আৰক্ষীয়ে ভূপেন কলিতাক গ্ৰেপ্তাৰ কৰে৷ ভূপেনৰ জিম্মাৰ পৰা ১৪ টা হেৰ’ইনৰ কন্টেইনাৰ উদ্ধাৰ কৰে৷ সৰবৰাহকাৰীজনৰ ঘৰ গুৱাহাটীৰ পলাশবাৰীত৷ আন এক অভিযানত আৰক্ষীয়ে খাগৰিজান কলেজৰ ওচৰৰ পৰা নেকিবুৰ ৰহমান আৰু জেহিৰুল ইছলাম নামৰ দুজন সৰবৰাহকাৰীক গ্ৰেপ্তাৰ কৰে৷ দুয়োজনৰ পৰা ১০ টা হেৰ’ইনৰ কন্টেইনাৰ উদ্ধাৰ কৰে৷ নেকিবুৰৰ ঘৰ মধুপুৰত আৰু জেহিৰুলৰ ঘৰ শিয়ালমাৰীত৷ ইফালে, চোটৰূপহীত অভিযান চলাই গ্ৰেপ্তাৰ কৰা হৈছে মেৰাজুল হক আৰু চাদিকুল ইছলামক৷ দুয়োৰে হাতৰ পৰা আৰক্ষীয়ে উদ্ধাৰ কৰে ১৫ টা হেৰ’ইনৰ কন্টেইনাৰ৷ আৰক্ষীয়ে চলোৱা এই অভিযানৰ নেতৃত্ব বহন কৰিছিল নগাঁও সদৰ থানাৰ বিষয়া মনোজ ৰাজবংশী আৰু হয়বৰগাঁৱৰ টাউন আৰক্ষী চকীৰ বিষয়া তৰংগ পাটোৱাৰীয়ে৷