নিয়মীয়া বাৰ্তা, ১৯ জুলাই : ঢকুৱাখনা মহকুমাৰ ঘিলামৰা নগৰ হাইস্কুলৰ খেলপথাৰত আজিৰে পৰা অনুষ্ঠিত কৰা হৈছে মুখ্যমন্ত্ৰী আদিবাসী ফুটবল প্ৰতিযোগিতা। ঢকুৱাখনা বিধানসভা সমষ্টিৰ বৰদৈ মাৰ্জি গাঁও ফুটবল ক্লাব, আনন্দ বাগান ফুটবল দল, চিনাতলী চাহ বাগান আৰু চিৰাজুলী চাহ বাগানকে ধৰি মুঠ চাৰিটা ফুটবল দলে অংশগ্রহণ কৰিছে এই ফুটবল প্ৰতিযোগিতাত। ঘিলামৰা নগৰ হাইস্কুলৰ খেলপথাৰত অনুষ্ঠিত কৰা প্ৰতিযোগিতাখনি আনুষ্ঠানিক ভাবে শুভ উদ্বোধন কৰে ঢকুৱাখনা জিলা ক্ৰীয়া সন্থাৰ কাৰ্যকৰী সভাপতি প্ৰদীপ চমুৱাই। ঘিলামৰা ক্ৰীড়া সন্থাৰ সম্পাদক বিদ্যুৎ কুমাৰ দত্তই আঁত ধৰা উদ্বোধনী সভাত ঘিলামৰা মন্ডল বিজেপি উপ-সভাপতি হিৰন্য হাজৰিকা, সম্পাদক ৰঞ্জিত চেতিয়া, ঢকুৱাখনা মন্ডল বিজেপি আদিবাসী মৰ্চা সভাপতি মেঘনাদ কিচকৌৰ লগতে চাৰিটা দলৰ প্ৰশিক্ষক, খেল পৰিচালক আৰু ঢকুৱাখনা ক্ৰীড়া সন্থাৰ বিষয়ববীয়া উপস্থিত থাকে ৷
প্ৰেৰক ৰাজেশ বুঢ়াগোহাঞি