নিয়মীয়া বাৰ্তা, ১২ জুনঃ দ্ৰুতগতিত অসমত বৃদ্ধি পোৱা ক’ৰোনাৰ সংক্ৰমণৰ পৰিপ্ৰেক্ষিতত প্ৰয়োজন হ’লে পুনৰ লকডাউন হ’ব বুলি ঘোষণা কৰিছে স্বাস্থ্যবিভাগৰ ৰাজ্যিক মন্ত্ৰী পীয়ূষ হাজৰিকাই ।
উল্লেখ্য যে লকডাউন আৰম্ভ হোৱাৰে পৰা আনলক-১ আৰম্ভ হোৱা পৰ্যন্ত অসমত ক’ৰোনাত আক্ৰান্ত লোকৰ সংখ্যা আছিল ১,৪৮৫ জন । কিন্তু আনলক-১ আৰম্ভ হোৱাৰ দুটা সপ্তাহ নৌহওঁতেই অসমত ২ গুণলৈ বৃদ্ধি পালে ক’ৰোনাত আক্ৰান্তৰ সংখ্যা ।
তাৰ মাজতে “নিউজ লাইভৰ সাময়িকী” অনুষ্ঠানত মন্ত্ৰী পীয়ূষ হাজৰিকাই সামাজিক দূৰত্বৰ নিয়ম নামানিলে চৰকাৰে পুনৰ লকডাউন কঠোৰ কৰাৰ সিদ্ধান্ত গ্ৰহণ কৰিবলৈ বাধ্য হ’ব বুলি মন্তব্য কৰে ।
লগতে তেওঁ কয় যে- “আমি সামাজিক দূৰত্ব নীতি মানি চলি, হাত চাফাকৈ ধুই, মাস্ক পিন্ধি সকলোৱে সংযম হৈ থাকো, যাতে ৰাজ্যত সামাজিক সংক্ৰমণ নহয় । কিন্তু ৰাজ্যত সামাজিক সংক্ৰমণ যদি ভয়াৱহ ৰূপত হয়, তেন্তে চৰকাৰে নিশ্চয়কৈ পুনৰ লকডাউন ঘোষণা কৰিবলৈ বাধ্য হ’ব ।”
চাওক ‘সাময়িকী’ অনুষ্ঠানত কি কৈছিল স্বাস্থ্যবিভাগৰ ৰাজ্যিক মন্ত্ৰী পীয়ূষ হাজৰিকাই-