ড০ হিমন্ত বিশ্ব শর্মা এগৰাকী গতিশীল ব্যক্তিঃ ইয়ং–ডায়নেমিক–এক্সিলেণ্ট মুখ্যমন্ত্রীঃ মুখ্যমন্ত্রীক ৰাজনাথ সিঙৰ উচ্চ প্রশংসা

নিয়মীয়া বাৰ্তা, ২৩ এপ্রিলঃ অসমৰ মুখ্যমন্ত্রী এগৰাকী গতিশীল ব্যক্তি৷ আজি ৰাজহুৱাভাৱে মুখ্যমন্ত্রী ড০ হিমন্ত বিশ্ব শর্মাক প্রশংসাৰে ওপচালে কেন্দ্রীয় প্রতিৰক্ষা মন্ত্রী ৰাজনাথ সিঙে৷ শ্রীমন্ত শংকৰদেৱ কলাক্ষেত্রত আয়োজিত ১৯৭১ চনৰ যুদ্ধৰ বীৰ যোদ্ধাসকলক সম্বর্ধনা জ্ঞাপনৰ বাবে আয়োজন কৰা বিশেষ অনুষ্ঠানত মুখ্যমন্ত্রী ড০ শর্মাক ভূয়সী প্রশংসা কৰি কেন্দ্রীয় মন্ত্রীগৰাকীয়ে কয়– অসম প্রদেশৰ মুখ্যমন্ত্রীগৰাকী ইয়ং, ডায়নেমিক আৰু এক্সিলেণ্ট৷ তেওঁ এগৰাকী গতিশীল ব্যক্তি৷ বিগত দীর্ঘসময়ৰ তেওঁৰ কাম–কাজে প্রমাণ কৰিছিল যে তেওঁ এজন দক্ষ মন্ত্রী আছিল৷ আজি প্রতিৰক্ষা মন্ত্রীগৰাকীয়ে অনুষ্ঠানত ভাষণ প্রদান কৰাৰ পূর্বে অসমীয়াতে ৰাজ্যবাসীলৈ ৰঙালী বিহুৰ ওলগ জনায়৷ আজিৰ এই অনুষ্ঠানৰ বাবে ৰাজ্য চৰকাৰকো উষ্ম প্রশংসা কৰে কেন্দ্রীয় প্রতিৰক্ষা মন্ত্রীগৰাকীয়ে৷