নিয়মীয়া বাৰ্তা ৬ মেঃ ৰূপহীহাটৰ লাওখোৱা তিনিআলিত আজি পুৱাৰ ভাগত এক উত্তপ্ত পৰিস্থিতিৰ সৃষ্টি হয়।এটা নদীৰ মহলক কেন্দ্ৰ কৰি সৃষ্টি হয় এই উত্তপ্ত পৰিস্থিতিৰ। নদীৰ মহলক লৈ দীৰ্ঘদিন ধৰি চলি আছিল দুটা পক্ষৰ মাজত বিবাদ। এই বিবাদক কেন্দ্ৰ কৰি এখন চাৰিচকীয়া বাহনেৰে চোকা অস্ত্ৰ লৈ আহিছিল এটা দুৰ্বৃত্তৰ দল।আৰক্ষীয়ে চাৰিচকীয়া বাহনখনৰ পৰা উদ্ধাৰ কৰে কিছু চোকা অস্ত্ৰ-শস্ত্ৰ। উত্তেজিত ৰাইজে আৰক্ষীৰ সন্মুখতেই ভাঙি লণ্ড-ভণ্ড কৰিলে চাৰিচকীয়া বাহনখন। ভাঙি লণ্ড-ভণ্ড কৰা চাৰিচকীয়া বাহন খনৰ নম্বৰ AS 02M 4323 ঘটনাস্থলিৰ পৰা আৰক্ষীয়ে মফিজুদ্দিন নামৰ এজন লোকক আটক কৰে।মফিজুদ্দিনৰ লগত থকা লোকসকল পলায়ন কৰে।
প্ৰেৰক জহিৰুল ইছলাম