নিয়মীয়া বাৰ্তা, ৬ জুনঃ হাইস্কুল শিক্ষান্ত পৰীক্ষাৰ ফলাফলত সৰভোগৰ ছাত্ৰ হৰ্ষবৰ্দ্ধন মাহেশ্বৰীয়ে অসমৰ ভিতৰত ষষ্ঠ স্থান দখল কৰি গোটেই বৰনগৰ তথা সৰভোগ অঞ্চললৈ গৌৰৱ কঢ়িয়াই আনিছে। ছাত্ৰ গৰাকীয়ে সৰ্বমুঠ ৫৮৮ নম্বৰ লাভ কৰিছে ৷ বৰপেটা ৰোডৰ মেৰিয়ান স্কুলৰ ছাত্ৰ হৰ্ষবৰ্দ্ধন মাহেশ্বৰীৰ দেউতাকৰ নাম প্ৰবীণ মাহেশ্বৰী। তেওঁ বি.এইচ কলেজৰ বানিজ্য বিভাগৰ এজন প্ৰৱক্তা হিচাপে কৰ্মৰত ৷ এই খবৰে সৰভোগত আনন্দৰ বন্যা তুলিছে ৷