নিয়মীয়া বাৰ্তা, ১৬ ডিচেম্বৰঃ ৰূপহীহাটৰ কাঞ্চনপুৰত বিজেপিৰ এক যোগদান সভা অনুষ্ঠিত হয়৷ উক্ত যোগদান সভাত কংগ্ৰেছৰ ভেটিত কঁপনি তুলি শতাধিক কংগ্ৰেছ দলৰ নেতা-কৰ্মীয়ে কংগ্ৰেছ দল ত্যাগ কৰি বিজেপিত যোগদান কৰে৷ যোগদান কৰাসকলক বিজেপি নেতা মজিবুৰ ৰহমানে বিজেপিৰ দলীয় গামোছা আৰু টুপিৰে আদৰি লয়৷ উল্লেখ্য যে চামগুৰি সমষ্টিত উপ নিৰ্বাচনত বিজেপিৰ প্ৰাৰ্থী দিপ্লুৰঞ্জন শৰ্মা বিজয়ী হোৱাত এতিয়া ৰূপহীহাটতো কংগ্ৰেছ ত্যাগৰ জোৱাৰ উঠিছে৷ কাঞ্চনপুৰ পঞ্চায়তটো নতুনকৈ চামগুৰি সমষ্টিৰ অন্তভুক্ত হোৱাত সংখ্যালঘু ভোটাৰ ৰাইজ বিজেপিমুখী হব ধৰিছে৷ আগন্তক পঞ্চায়ত নিৰ্বাচনত কাঞ্চনপুৰ পঞ্চায়তটো বিজেপিৰ দখলত যাব বুলি মন্তব্য কৰে মজিবুৰ ৰহমানে৷ সভাত বিজেপিক যুৱ নেতা মুকছিদুল ইছলাম আৰু আলিম উদ্দিন উপস্থিত থাকে৷
প্ৰেৰক জহিৰুল ইছলাম