নিয়মীয়া বাৰ্তা, ২ আগষ্ট : বোকাখাত মহকুমাৰ মহকুমাধিপতি হিচাপে যোগদান ২০২০ বৰ্ষৰ ভাৰতীয় প্ৰশাসনিক সেৱাৰ বিষয়া চিমী কৰণৰ। আজি নৱনিযুক্ত মহকুমাধিপতি চিমী কৰণে ভাৰপ্ৰাপ্ত মহকুমাধিপতি বোকাখাতৰ চক্ৰ বিষয়া সৌভিক দত্তৰ পৰা দায়িত্বভাৰ গ্ৰহণ কৰে। এই উপলক্ষে মহকুমাধিপতি কাৰ্য্যালয়ত মহকুমা প্ৰশাসনৰ বিষয়া কর্মচাৰীসকলে নৱনিযুক্ত মহকুমাধিপতিগৰাকীক উষ্ম আদৰণি জনায়। উল্লেখযোগ্য যে নৱনিযুক্ত মহকুমাধিপতিগৰাকী ইয়াৰ পূৰ্বে উত্তৰ শালমাৰাৰ মহকুমাধিপতি হিচাপে কৰ্মৰত আছিল।
প্ৰেৰক ৰঞ্জিত ৰজক