নিয়মীয়া বাৰ্তা, ১০ মাৰ্চ : পশ্চিম কামৰূপ ছাত্ৰ সন্থাৰ উদ্যোগত আৰু অঞ্চলবাসী ৰাইজৰ সহযোগত কামৰূপৰ নগৰবেৰা ৰাজহ চক্ৰৰ অন্তৰ্গত হেকৰা গাঁৱত আয়োজন কৰা হৈছে প্ৰাইজমানী টেনিছ বল প্ৰতিযোগিতা | শনিবাৰৰ সন্ধিয়া প্ৰতিযোগিতাৰ আনুষ্ঠানিকভাৱে শুভাৰম্ভ কৰা হয়| উদ্বোধনী পৰ্বত সদৌ অসম ছাত্ৰ সন্থাৰ কাৰ্যালয় সম্পাদক ভৱজ্যোতি ডেকা, সাংগঠনিক সম্পাদক পংকজ দাস, কামৰূপ জিলা ছাত্ৰ সন্থাৰ সম্পাদক তৌফিকুল ৰহমান, গোৱালপাৰা জিলা ছাত্ৰ সন্থাৰ সম্পাদক কোকিল দাস, কামৰূপ জিলা ছাত্ৰ সন্থাৰ সাংগঠনিক সম্পাদক উপম দাস, কামৰূপ জিলা ছাত্ৰ সন্থাৰ কাৰ্যনিৰ্বাহক সদস্য চিৰঞ্জীৱ দাস, পশ্চিম বংশৰ আঞ্চলিক ছাত্ৰ সন্থাৰ উপ-সভাপতি পাপু শালৈ, ৰাভা হাচং স্বায়ত্তশাসিত পৰিষদৰ সদস্য ক্ৰমে সুমিত ৰাভা আৰু নগৰমল স্বৰ্গীয়াৰী, হেকৰা উঃ মাঃ বিদ্যালয়ৰ ভাৰপ্ৰাপ্ত অধ্যক্ষ নীলকান্ত কম্বৰ আদি ভালেসংখ্যক বিশিষ্ট ব্যক্তি উপস্থিত থাকে| প্ৰতিযোগিতা আৰম্ভ হোৱাৰ পূৰ্বে আমন্ত্ৰিত ছমৰীয়া সত্ৰৰ এটা দলে নৃত্যও পৰিৱেশন কৰে। মুঠতে উদ্বোধনী পৰ্বক লৈ উখল-মাখল পৰিৱেশ বিৰাজ কৰে হেকৰা গাঁৱত|
প্ৰেৰক সঞ্জীৱ কুমাৰ দাস