নিয়মীয়া বাৰ্তা, ১২ আগষ্ট : কামৰূপ জিলাৰ পলাশবাৰী সমষ্টিৰ অন্তৰ্গত বকডোবাত আজি ৰেচম শিল্পৰ বিশেষ সেৱা কেন্দ্ৰ এটি উদ্বোধন কৰা হয় ৷ বিশ্ব বেংকৰ পুঁজিৰে APART প্ৰকল্প, ARIAS ছ’চাইটীৰ সহযোগত মাপাক্কাই এগ্ৰো প্ৰডিউচাৰ কোম্পানী লিমিটেডৰ নৱনিৰ্মিত কেন্দ্ৰটো উদ্বোধন কৰে ARIASৰ শীৰ্ষ বিষয়া বীৰেন্দ্ৰ মিট্টালে ৷ ৰেচম মূল্য শৃংখল FPC উক্ত কেন্দ্ৰটোৰ উদ্বোধনী অনুষ্ঠানত ৰেচম বিভাগৰ আতাউৰ ৰহমানকে ধৰি কেইবাগৰাকী বিষয়া তথা কাজৰি ৰাজখোৱা, মমতা বি শৰ্মা উপস্থিত আছিল ৷ আনহাতে, মাপাক্কাইৰ বিষয়ববীয়া এন্থনী মুণ্ডাই পৰিচালনা কৰা সভাখনত উদ্বোধক মিট্টালে শিপিনীসকলৰ স’তে মত বিনিময় কৰাৰ উপৰি বিভিন্ন পৰামৰ্শ আগবঢ়ায় ৷ ইফালে, অনুষ্ঠানটিত ৰাভা হাছং স্বায়ত্তশাসিত পৰিষদৰ কুলচী সমষ্টিৰ পাৰিষদ দিলীপ কুমাৰ ৰাভা, বৰদুৱাৰ ভোলাগাঁও আঞ্চলিক ৰাভা ছাত্ৰ সন্থাৰ সভাপতি কমলেশ্বৰ ৰাভাই উপস্থিত থাকি বক্তব্য আগবঢ়ায় ৷ তদুপৰি অনুষ্ঠানৰ কাৰ্যসূচীতে গছপুলি ৰোপণ কৰাৰ উপৰি জাতীয় সংগীত আৰু ৰাষ্ট্ৰীয় সংগীত পৰিৱেশন কৰাৰ লগতে নিচামুক্ত দেশ গঢ়াৰ সমূহীয়া সংকল্প পাঠ কৰা হয় ৷
প্ৰেৰক নুৰুল ইছলাম