নিয়মীয়া বাৰ্তা, ১৬ আগষ্ট : দেশৰ বিভিন্ন প্ৰান্তৰ লগতে মৰিগাঁও জিলাৰ ভূৰাগাঁও আৰু লাহৰীঘাটতো উলহ-মালহেৰে উদযাপন কৰা হয় ৭৮সংখ্যক স্বাধীনতা দিৱস। ভূৰাগাঁও ৰাজহ চক্ৰ কাৰ্যালয়ত পতাকা উত্তোলন কৰে চক্ৰ বিষয়া প্ৰিয়ংকা বণিয়াই। ইয়াৰ উপৰি লাহৰীঘাট ৰাজহ চক্ৰ কাৰ্যালয়ত পতাকা উত্তোলন কৰে চক্ৰ বিষয়া বিকাশ চেত্ৰীয়ে। আনহাতে, ভূৰাগাঁও আৰু লাহৰীঘাটৰ বিভিন্ন অনুষ্ঠান-প্ৰতিষ্ঠানত বিভিন্ন কাৰ্যসূচীৰে স্বাধীনতা দিৱস উদযাপন কৰা হয়। টেঙাগুৰি জাতীয় বিদ্যালয়ত দিনজোৰা কাৰ্যসূচীৰে স্বাধীনতা দিৱস উদযাপন কৰে। পুৱা পতাকা উত্তোলনৰে স্বাধীনতা দিৱসৰ কাৰ্যসূচীৰ শুভাৰম্ভ কৰা হয়। ইয়াৰ পিছত ছাত্ৰ-ছাত্ৰীৰ মাজত ৰচনা প্ৰতিযোগিতা, চিত্ৰাংকন প্ৰতিযোগিতা আৰু কুইজ প্ৰতিযোগিতা অনুষ্ঠিত হয়। পিছত বাৰেৰহণীয়া সাংস্কৃতিক অনুষ্ঠানেৰে কাৰ্যসূচী সমাপ্ত হয়। ইয়াৰ লগতে বিদ্যালয়ত বিভিন্ন ধৰণৰ কাৰ্যসূচীৰে স্বাধীনতা দিৱস পালন কৰে।
প্ৰেৰক আবুল কালাম