নিয়মীয়া বাৰ্তা, ১৪ আগষ্ট : শোণিতপুৰৰ চাৰিদুৱাৰৰ নেভিল উচ্চতৰ মাধ্যমিক বিদ্যালয়ত আজি ভাৰতীয় সেনা বাহিনীৰ চাৰিদুৱাৰস্থিত ৫১ নং বেটেলিয়নৰ উদ্যোগত ভাৰতৰ স্বাধীনতা দিৱসৰ লগত সংগতি ৰাখি গছপুলি ৰোপণ কাৰ্যসূচী অনুষ্ঠিত কৰা হয় । অনুষ্ঠানৰ আৰম্ভণিতে বিদ্যালয় প্ৰাংগণত অনুষ্ঠিত অনুষ্ঠানত ছাত্ৰী ধৃতিকা দাস আৰু ছাত্ৰ কুমুন দৈমাৰীয়ে দেশপ্ৰেমমূলক হিন্দী কবিতা পাঠ কৰে। তাৰ পিছতে বিদ্যালয় প্ৰাংগণত অনুষ্ঠিত কৰা হয় গছপুলি ৰোপণ কাৰ্যসূচী । কাৰ্যসূচীত অংশগ্ৰহণ কৰি সেনা বাহিনীৰ বিষয়া, বিদ্যালয়ৰ শিক্ষক-শিক্ষয়িত্ৰী, ছাত্ৰ-ছাত্ৰীসকলে ভালেমান মূল্যৱান গছপুলি ৰোপণ কৰে । একেদৰে বিদ্যালয় চৌহদত অৱস্থিত অমৃত সৰোবৰৰ পাৰতো সেনা বাহিনীৰ পৃষ্ঠপোষকতাত গছপুলি ৰোপণ কৰা হয় । অনুষ্ঠানত সকলোৱে সহযোগ কৰা পৰিলক্ষিত হয় ।
প্ৰেৰক প্ৰাঞ্জল প্ৰতিম