নিয়মীয়া বাৰ্তা, কলগাছিয়া, ১৩ ফেব্ৰুৱাৰীঃ কলগাছিয়া আৰক্ষীয়ে গাঞ্জাসহ এজন গাঞ্জা ব্যৱসায়ীক আটক কৰিবলৈ সক্ষম হয়। কলগাছিয়াৰ আমগুৰিৰ বাহাৰ বজাৰৰ সমীপৰ ঘৰৰ পৰা আটক কৰে লোকজনক। আটকাধীন লোক জনৰ নাম আনোৱাৰ হুছেইন। আৰক্ষীয়ে জব্দ কৰে ২০ কেজি ২৮০ গ্ৰাম গাঞ্জা। গোপন সূত্ৰৰ ভিত্তিত কলগাছিয়া আৰক্ষী বিষয়া ওম প্ৰকাশ তিৱাৰীৰ নেতৃত্বত অভিযান চলাই জব্দ কৰিবলৈ সক্ষম হয় বৃহৎ পৰিমাণৰ গাঞ্জাখিনি। আৰক্ষীয়ে আটকাধীন লোকজনক জেল হাজোতলৈ প্ৰেৰণ কৰিব বুলি আৰক্ষী বিষয়া গৰাকীয়ে জানিবলৈ দিয়ে।