নিয়মীয়া বাৰ্তা, ১৪মেঃ ক’ৰোনা প্ৰতিৰোধৰ বাবে দেশত চলি তৃতীয় পৰ্যায়ৰ লকডাউন । এই লকডাউনৰ প্ৰথম পৰ্যায়ৰ পৰা আৰম্ভ কৰি বৰ্তমানলৈ দুৰ্গত লোক সকলৰ মাজত বিভিন্ন অনুষ্ঠান-প্ৰতিষ্ঠানে তথা ব্যক্তিয়ে সাহায্য সামগ্ৰী বিতৰণ কৰি আহিছে । এই লকডাউনৰ সময়চোৱাত ছয়গাঁও আৰু বনগাঁও ব্লকৰ প্ৰায় ৩ হেজাৰ পৰিয়ালৰ মাজত খাদ্য সামগ্ৰী বিতৰণ কৰি আহিছে বিজেপি নেতা তথা বিশিষ্ট সমাজ সেৱক নিংকু (নিদৰ্শন) হুজুৰীয়ে । হুজুৰীয়ে আজি আৰু যোৱা কালি ও ছয়গাঁৱৰ উকিয়াম আৰু কুকুৰমাৰাত প্ৰায় ৩৭৫ দুখীয়া পৰিয়ালৰ মাজত খাদ্য সামগ্ৰী বিতৰণ কৰে । বিজেপি নেতাগৰাকীৰ এই মহানুভৱতাক অঞ্চলবাসীয়ে প্ৰশংসা কৰে । অনাগত দিনতো দুখীয়া লোকৰ মাজত পৰ্যাপ্ত পৰিমাণে সাহায্য সামগ্ৰী বিতৰণ কৰিব বুলি নিয়মীয়া বাৰ্তাৰ সাংবাদিকক জানিবলৈ দিয়ে ।