নিয়মীয়া বাৰ্তা, ১৬ নৱেম্বৰঃ ৰাষ্ট্ৰীয় প্ৰেছ দিৱস উপলক্ষে আজি লখিমপুৰ জিলা প্ৰশাসনৰ উদ্যোগত জিলা তথ্য আৰু জনসংযোগ বিষয়াৰ কাৰ্যালয় লখিমপুৰৰ উদ্যোগত আৰু নৰ্থ লখিমপুৰ প্ৰেছ ক্লাৱৰ সহযোগত ৰাষ্ট্ৰীয় প্ৰেছ দিৱস উদযাপন কৰা হয়৷ নৰ্থ লখিমপুৰ প্ৰেছ ক্লাৱ সভাপতি কুমুদ বৰুৱাৰ সভাপতিত্তত প্ৰেছ ক্লাৱ ভৱনত অনুস্থিত ৰাষ্ট্ৰীয় প্ৰেছ দিৱসত “ৰাষ্ট্ৰ নিৰ্মাণত সংবাদ মাধ্যমৰ ভুমিকা“ শীৰ্ষক আলোচনা চক্ৰত সমল ব্যক্তি হিচাপে উপস্থিত থাকে জেষ্ঠ অধিবক্তা ৰাজীব গগৈ৷ লখিমপুৰ জিলাৰ তথ্য আৰু জনসংযোগ বিষয়া মন্দিৰা চায়েঙীয়াৰ তত্বাৱধানত আৰু লখিমপুৰ জিলাৰ উপায়ুক্ত সুমিত্ৰ সাতাৱন মুখ্য অতিথি হিচাপে উপস্থিত থকা সভাখনত ৰাষ্ট্ৰীয় প্ৰেছ দিৱসৰ লগত সংগতি ৰাখি লখিমপুৰ জিলা তথ্য আৰু জনসংযোগ বিভাগৰ জৰিয়তে কেইবাগৰাকীও বৰ্ষীয়ান অৱসৰপ্ৰাপ্ত আৰু কৰ্মৰত সংবাদকৰ্মীক ফুলাম গামোচা আৰু মানপত্ৰৰে সম্বৰ্ধনা জনোৱা হয় ৷
প্ৰেৰক ৰাজেশ বুঢ়াগোহাঞি