নিয়মীয়া বাৰ্তা, ১৫ ডিচেম্বৰ : আজি পুৱাৰ ভাগত চিৰাং জিলাৰ বিজনীৰ ১নং অগ্ৰংগত এছ এছ বি আৰু আৰক্ষীৰ যৌথ অভিযানত বৃহৎ পৰিমাণৰ গাঞ্জা জব্দ হয় । এক গোপন খবৰৰ ভিত্তিত ১৫ নং বি এন এছ এছ বি, কাজলগাঁও বিষ্ণুপুৰ বিঅ’পিৰ ইন্সপেক্টৰ কমলেশ মিশ্ৰ আৰু পাণবাৰী আৰক্ষীৰ যৌথ অভিযানত বৃহৎ পৰিমাণৰ গাঞ্জা জব্দ কৰিবলৈ সক্ষম হয় । জব্দকৃত গাঞ্জাৰ ওজন ১৬ কিলোগ্ৰাম বুলি জানিবলৈ দিয়ে । এই অভিযানত কোনো লোকক আটক কৰিবলৈ সক্ষম হোৱা নাই অভিযানকাৰী দলটোৱে । পাছত জব্দকৃত গাঞ্জাখিনি পাণবাৰী আৰক্ষী থানালৈ আনে ।
প্ৰেৰক বৰ্ণালী তালুকদাৰ