বিশেষ বাৰ্তা, ১৫ মাৰ্চ : আজি এক বিশেষ কাৰ্যসূচী লৈ মন্ত্ৰী পীয়ূষ হাজৰিকা নগাঁৱত উপস্থিত হয় ৷ মন্ত্ৰীগৰাকীয়ে শেনচোৱা-খুঁটিকটীয়াত জলসম্পদ বিভাগৰ মথাউৰিৰ আধাৰশিলা স্থাপন কৰে। আধাৰশিলা স্থাপন কৰি মন্ত্ৰীগৰাকীয়ে ৰাইজক উদ্দেশ্যি কয়- নগাঁও লোকসভা সমষ্টিৰ পৰিৱেশ বৰ্তমান বহুত ভাল হৈ উঠিছে ৷ গতিকে নগাঁৱত আমি জিকাটো নিশ্চিত ৷ আনহাতে, সাংবাদিকৰ আগত মন্ত্ৰী হাজৰিকাই লুৰিণজ্যোতি গগৈয়ে একেৰাহে নিৰ্বাচনত হৰাৰ ৰেৰ্কড গঢ়িব বুলি কয় ৷ তদুপৰি ডিব্ৰুগড়ত সৰ্বানন্দ সোণোৱালে প্ৰায় ৪ লাখ ভোটৰ ব্যৱধানত জিকিব বুলি কয় ৷ বিৰোধী ঐক্য সন্দভৰ্ত মন্ত্ৰী হাজৰিকাই কয়- বিৰোধীৰ এইবোৰ দল নহয়, এইবোৰ ক্লাবহে। এইবাৰ বিৰোধী দল একেবাৰে ধূলিসাৎ হৈ যাব, বিশেষকৈ কংগ্ৰেছ দল একেবাৰে নিস্তেজ-নিষ্প্ৰভ হৈ যাব।
প্ৰেৰক কনক হাজৰিকা