বিশেষ বাৰ্তা, ২০ জুলাই : তিনিচুকীয়া আৰক্ষীৰ প্ৰতিদিনাই মাৰাত্মক ড্ৰাগছবিৰোধী অভিযান অব্যাহত আছে। আজি তিনিচুকীয়া আৰক্ষীৰ এটা দলে তিনিচুকীয়া তামুলবাৰী অঞ্চলৰ পৰা সন্দেহযুক্ত হেৰ’ইন আৰু আফিংসহ এজন ব্যক্তিক আটক কৰে। এক গোপন সূত্ৰৰ তথ্যৰ ভিত্তিত তিনিচুকীয়া সদৰ আৰক্ষী থানাৰ ভাৰপ্ৰাপ্ত আৰক্ষী বিষয়া পৰাগজ্যোতি বুঢ়াগোহাঁইৰ নেতৃত্বত আৰু চহৰ পৰিদৰ্শক ৰিয়াজ আলীৰ উপস্থিতিত গৌৰীপুৰ ৰ’ডৱেজৰ পৰা সন্দেহযুক্ত হেৰ’ইন আৰু আফিংসহ এজন ব্যক্তিক আটক কৰে ৷ আটকাধীন ব্যক্তিজন জাৰ্মানজীত সিং ৷ ব্যক্তিজনৰ পৰা ১৬.৪৭ গ্ৰাম সন্দেহযুক্ত হেৰ’ইন আৰু ৪.৭৫ গ্ৰাম আফিং জব্দ কৰে আৰক্ষীয়ে। পৰৱৰ্তী সময়ত আৰক্ষীয়ে সদৰ আৰক্ষী থানালৈ লোকজনক লৈ যোৱাৰ লগতে অধিক তথ্যৰ সন্ধানত মাৰাথন জেৰা অব্যাহত ৰাখে ৷
প্ৰেৰক বিবেক বড়া