নিয়মীয়া বাৰ্তা, ১৩ ছেপ্টেম্বৰ : বৰপেটা জিলাৰ বাঘবৰৰ সত্ৰকণৰা ৯নং চিট নিবাসী তথা ১২২৩নং শিলোচী প্ৰাথমিক বিদ্যালয়ৰ প্ৰধান শিক্ষক পাশান আলীৰ আকস্মিক বিয়োগ ঘটে। উল্লেখযোগ্য যে বৃহস্পতিবাৰৰ নিশা প্ৰধান শিক্ষকগৰাকী ঘৰতে হঠাৎ অসুস্থ অনুভৱ কৰাত পৰিয়ালৰ লোকে ততাতৈয়াকৈ এম্বুলেন্সযোগে চিকিৎসালয় লৈ যায় যদিও চিকিৎসালয় পোৱাৰ পূৰ্বেই অৰ্থাৎ আধাবাটতে দুৰ্ভাগ্যবশতঃ প্ৰধান শিক্ষকগৰাকীয়ে শেষ নিশ্বাস ত্যাগ কৰে। সমাজহিতৈষী, অতি সৰল ব্যক্তিত্বৰ অধিকাৰী প্ৰধান শিক্ষকগৰাকী সমাজৰ বিভিন্ন উন্নয়নমূলক কামত নিজকে নিয়োজিত কৰিছিল। তেওঁৰ বিয়োগ শৈক্ষিক সমাজৰ কাৰনে এক অপূৰনীয় ক্ষতি বুলি উল্লেখ কৰিছে বিভিন্ন জনে। আজি নৱনুৰ এম ই মাদ্ৰাছা প্ৰাংগনত কেইবা হাজাৰ লোকৰ উপস্থিতত আদৰ্শ প্ৰধান শিক্ষকগৰাকীৰ জানাজা সম্পন্ন হয়। মৃত্যুৰ সময়ত আদৰ্শ প্ৰধান শিক্ষক গৰাকীয়ে সহধৰ্মিনী, এজন পুত্ৰ সন্তান আৰু এগৰাকী কন্যা সন্তান সহ অজস্ৰ গুণমুগ্ধক ইহ সংসাৰত এৰি যায়। ইফালে প্ৰধান শিক্ষকগৰাকীৰ এনে অকাল বিয়োগে এতিয়া শোকাহত কৰিছে সমগ্ৰ অঞ্চলবাসীক।
প্ৰেৰক আব্দুল আজিজ আহমেদ