নিয়মীয়া বাৰ্তা ডিজিটেল, ১৬ মাৰ্চঃ ভাৰতীয় তথ্য সেৱাৰ জ্যেষ্ঠ বিষয়া মৌচুমী চক্ৰৱৰ্তী হ’ব আকাশবাণী নিউজৰ বাতৰি সেৱা বিভাগৰ পৰৱৰ্তী সঞ্চালকপ্ৰধান। বৰ্তমানৰ সঞ্চালকপ্ৰধানৰ অৱসৰৰ পিছত তেওঁ দায়িত্ব ল’ব। প্ৰথম অসমীয়া হিচাপে মৌচুমী চক্ৰৱৰ্তীয়ে এই পদবী লাভ কৰিছে। তেওঁৰ এই সাফল্যত অসমবাসী গৌৰৱান্বিত। চক্ৰৱৰ্তীয়ে পূৰ্বে তথ্য আৰু সম্প্ৰচাৰ মন্ত্ৰালয়ৰ অধীনত বিভিন্ন পদত অধিষ্ঠিত হৈছিল৷ বৰ্তমান তেওঁ নতুন দিল্লীৰ আকাশবাণী নিউজৰ নিউজ ছাৰ্ভিচেছ ডিভিজনত অ’এছডি হিচাপে কৰ্মৰত।