হানীমুন হত্যাকাণ্ড : মেঘালয়ত হানীমুনৰ সময়ত হত্যাৰ বলি হোৱা ৰাজা ৰঘুৱংশীৰ পৰিয়ালৰ লোকে কয় যে তেওঁলোকে অভিযুক্তসকলৰ নাৰ্কো টেষ্টৰ বাবে উচ্চ ন্যায়ালয়ত আবেদন জনাব।
ৰাজাৰ ভাতৃ বিপিন ৰঘুবংশীয়ে শ্বিলং SIT-ৰ সোধা-পোছাৰ কাৰণে ইনডৰ ক্রাইম ব্ৰাঞ্চ থানাত উপস্থিত হয়।
ANI-ৰ সৈতে হোৱা কথা-বতৰাত কয়, “ঘটনাটোৰ ৰহস্য এতিয়াও অজ্ঞাত, সেইবাবেই মই অভিযুক্তসকলৰ নাৰ্কো পৰীক্ষাৰ বাবে আবেদন জনাম আৰু উচ্চ ন্যায়ালয়ত এই বিষয়ে আবেদন কৰিম।”
তেওঁ কয়, “আমি যি গহনা দিছিলোঁ, সোনমে সকলো লৈ গৈছিল। মই জানো কিমান গহনা আৰক্ষীয়ে উদ্ধাৰ কৰিছে, কাৰণ তেওঁলোকে মোক একো দেখুওৱা নাই।”
বিপিনে শ্বিলং আৰক্ষীৰ তদন্তত সন্তুষ্টি প্ৰকাশ কৰে আৰু কয় যে তেওঁলোকৰ ওপৰত কোনো সন্দেহ নাই।
ৰাজা ৰঘুবংশীৰ হত্যাকাণ্ডত এতিয়ালৈকে ৮জন অভিযুক্তক গ্ৰেপ্তাৰ কৰা হৈছে, যাৰ ভিতৰত সোনম ৰঘুবংশী, লগতে আকাশ ৰাজপুত, বিশাল সিং চৌহান, ৰাজ সিং কুশৱাহা আৰু আনন্দ অন্তর্ভুক্ত।
উল্লেখ্য যে জুন ২ তাৰিখে ৰাজাৰ মৃতদেহ চোহৰা (চেৰাপুঞ্জি) কাষৰ এখন গাঁতত উদ্ধাৰ কৰা হৈছিল। কেইদিনমান পিছত, সোনমক বাৰাণসী-গাজিপুৰ ৰাষ্ট্ৰীয় পথৰ কাষৰ এখন ধাবাৰ ওচৰত উদ্ধাৰ কৰা হয়।
Niyomiya Barta Desk, Date of published : 1 July, 2025