🔹 কৃষ্ণা চোচাইবিনী চাহ বাগিচাত ধৰ্ণা কাৰ্যসূচী
নিয়মীয়া বাৰ্তা, ১১ আগষ্ট : সমগ্ৰ ৰাজ্যৰ লগতে ওদালগুৰি জিলাৰ কৃষ্ণা চোচাইবিনী চাহ বাগিচাতো আজি পুৱাৰ ভাগত পালন কৰা হয় ১ ঘন্টীয়া ধৰ্ণা কাৰ্যসূচী । শ্ৰমিকসকলৰ ন্যূনতম দৈনিক মজুৰি ৩৫১ টকালৈ বৃদ্ধি কৰা, আদিবাসী চাহ জনগোষ্ঠীৰ লোকসকলক ভূমিপট্টা প্ৰদান কৰা, আদিবাসীসকলক জনজাতিৰ মৰ্যাদা প্ৰদান কৰা, বাগিচাসমূহত নতুন গৃহ, শৌচাগাৰ ইত্যাদি নিৰ্মাণ কৰাকে ধৰি অসম চাহ মজদুৰ সংঘৰ ১৬ দফীয়া দাবী পূৰণৰ দাবীত ৰূপায়ণ কৰা হয় এই কাৰ্যসূচী । অসম চাহ মজদুৰ সংঘৰ কৃষ্ণা চোচাইবিনী চাহ বাগিচা শাখাৰ উদ্যোগত ৰূপায়ণ কৰা এই কাৰ্যসূচীত বাগিচাখনৰ শ শ শ্ৰমিকে অংশগ্ৰহণ কৰে । কাৰ্যসূচীৰ অন্তত কৃষ্ণা চোচাইবিনী চাহ বাগিচা শাখাৰ সভাপতি বিনয় মুণ্ডা আৰু সাধাৰণ সম্পাদক ধনীৰাম বৰাইকৰ নেতৃত্বত ধৰ্ণাকাৰীসকলে দাবীসমূহ পূৰণৰ বাবে বাগিচা পৰিচালকৰ জৰিয়তে ৰাজ্যৰ শ্ৰমমন্ত্ৰীলৈ এক স্মাৰক-পত্ৰও প্ৰেৰণ কৰে ।
প্ৰেৰক ধীৰেন মহলীয়া