নিয়মীয়া বাৰ্তা, ৩ মে: অসম চৰকাৰৰ জলসম্পদ, তথ্য আৰু জনসংযোগ আদি বিভাগৰ মন্ত্ৰী তথা কৰিমগঞ্জ জিলাৰ অভিভাৱক মন্ত্ৰী পীযুষ হাজৰীকাই আজি সন্ধিয়া জিলা উপায়ুক্তৰ কাৰ্যালয়ৰ সভাগৃহত জিলাখনৰ সকলো বিভাগৰ বিষয়াৰ উপস্থিতিত এখন পৰ্যালোচনা সভাত অংশ লয় ।
জিলাখনৰ সামগ্ৰিক উন্নয়নৰ বাবে বিভাগসমূহৰ কাম কাজৰ বিষয়ে বুজ লোৱাৰ লগতে মন্ত্ৰীগৰাকীয়ে উপস্থিত বিধায়কসকলৰ পৰাও জিলাখনৰ উন্নয়নমূলকমূলক কামৰ প্ৰস্তাৱসমূহ আলোচনা কৰে ।
আনহাতে অৰুণোদয়ৰ দৰে চৰকাৰৰ জনকল্যাণমূলক আঁচনিসমূহৰ সুবিধা প্ৰকৃত হিতাধিকাৰীসকলে লাভ কৰাতো সুনিশ্চিত কৰিবলৈ মন্ত্ৰীগৰাকীয়ে জিলা উপায়ুক্তক নিৰ্দেশনা প্ৰদান কৰে ।
আগন্তুক বানৰ সময়ৰ বাবে প্ৰয়োজনীয় প্ৰতিৰোধৰ কামসমূহ সমাপণ কৰিবলৈও মন্ত্ৰীগৰাকীয়ে জলসম্পদ বিভাগৰ বিষয়াক নিৰ্দেশ দিয়ে ।