লাহৰীঘাট মণ্ডল সংখ্যালঘু মৰ্চাৰ কাৰ্যনিৰ্বাহক সভাত সংখ্যালঘু উন্নয়ন বোৰ্ডৰ অধ্যক্ষ হবিব মহম্মদ চৌধুৰী
নিয়মীয়া বাৰ্তা, ২০ মাৰ্চ: মৰিগাঁও জিলাৰ লাহৰীঘাট উন্নয়ন খণ্ড প্ৰেক্ষাগৃহত আজি দিনৰ ২ বজাত বিজেপি দলৰ লাহৰীঘাট মণ্ডল সংখ্যালঘু মৰ্চাৰ কাৰ্যনিৰ্বাহক সভা অনুষ্ঠিত হয়। কাৰ্যসূচী অনুসৰি দলীয় পতাকা উত্তোলন কৰে লাহৰীঘাট সংখ্যালঘু মৰ্চাৰ সভাপতি জেহেৰুল ইছলামে। তেওঁক সহায় কৰে দলৰ সক্ৰিয় কৰ্মকৰ্তা তুলেন ডেকাই। ইয়াৰ পিছত শ্বহীদৰ প্ৰতিমূৰ্তিত শলিতা আৰু পুষ্পাঞ্জলি অৰ্পণ কৰে আমন্ত্রিত মুখ্য অতিথি ৰাজ্যিক সংখ্যালঘু উন্নয়ন বোর্ডৰ অধ্যক্ষ হবিব মহম্মদ চৌধুৰীৰ লগতে যুৱ সমাজ সেৱক নুৰুল হুদা আৰু জিলা সংখ্যালঘু মৰ্চাৰ সভাপতি ইব্রাহীম খলিলে। সভাত আমন্ত্রিত অতিথি হিচাপে বিজেপি দলৰ ৰাজ্যিক স্কিল ডেভেলপমেন্টৰ কনভেনৰ কাদিৰুজ জামান জিন্না, জিলা উপ সভাপতি আলাউদ্দিন চৌধুৰী, জিলা সংখ্যালঘু মৰ্চাৰ বিষয় ববীয়াসকলৰ লগত লাহৰীঘাট মণ্ডল সংখ্যালঘু মৰ্চাৰ সকলো বিষয়াৰ উপৰি বিভিন্ন মন্ডল সংখ্যালঘু মৰ্চাৰ প্ৰতিনিধি সকলো উপস্থিত আছিল। সভাখন সঞ্চালনা কৰে লাহৰীঘাট মন্ডল সংখ্যালঘু মৰ্চাৰ সভাপতি জেহেৰুল ইছলামে। উদ্দেশ্য বাখ্যা কৰে সাধাৰণ সম্পাদক মাইনুল হকে। আদৰণি পৰ্বৰ আঁত ধৰে নিৰ্জুল আহমেদে।
প্ৰেৰক আবুল কালাম