বিশেষ বার্তা, ১ আগষ্ট : বৰগাং বৰকঠীয়াবাৰীৰ ময়নুল হকৰ পত্নীয়ে কালি পৰপুৰুষ এজনৰ লগত পলাই যায়। স্বামী ময়নুল হকে ইতিমধ্যে বৰগাং আৰক্ষী চকীত এজাহাৰ দাখিল কৰিছে। ময়নুল হকে তেওঁৰ ঘৰত ভাৰাতীয়া হিচাপে থকা ঢকুৱাখনাৰ মোহন উদ্দিন নামৰ ব্যক্তিজনৰ লগত তিনি পুত্ৰ সন্তানৰ মাতৃগৰাকীয়ে পুৱা ৫ মান বজাত পলাই গৈছে বুলি সন্দেহ প্ৰকাশ কৰিছে। পত্নীয়ে সৰু পুত্ৰসহ তিনিটা মোবাইল ফোন আৰু নগদ ৪০ হাজাৰ টকা লৈ গৈছে বুলি সাংবাদিকক জানিবলৈ দিছে। আৰক্ষীয়ে ইতিমধ্যে তদন্ত আৰম্ভ কৰিছে। তিনিটা সন্তানৰ মাতৃ হৈও পৰপুৰুষৰ সৈতে পলাই যোৱা ঘটনাটোৱে সকলোৰে মাজত কৌতূহলৰ সৃষ্টি কৰিছে।
প্ৰেৰক অমিতাভ বৰুৱা