বিশেষ বাৰ্তা, নগাওঁ, ১৫ ফেব্ৰুৱাৰীঃ সমাগত নগাঁও পৌৰ সভাৰ নিৰ্বাচনৰ বাবে আজি মনোনয়ন দাখিলৰ অন্তিম দিনা বিজেপি ,কংগ্ৰেছ, অগপ,অসম জাতীয় পৰিষদ আদি দলৰ প্ৰাৰ্থীয়ে মনোনয়ন পত্ৰ দাখিল কৰে। ২৬টা মহলাৰ বাবে হ’ব লগা নিৰ্বাচনত বিজেপি আৰু অগপই মিত্ৰতা কৰিছে। সেই অনুসৰি বিজেপিয়ে ২২খন আৰু অগপ ই ৪খনত প্ৰতিদ্বন্দ্বিতা কৰিব।কংগ্ৰেছ আৰু অসম জাতীয় পৰিষদেও মিত্ৰতা কৰিছে। কংগ্ৰেছে ২১খন আৰু অসম জাতীয় পৰিষদে ৫ খনত প্ৰতিদ্বন্দ্বিতা কৰিব। আজি প্ৰাৰ্থী সকলে সমৰ্থক সহ দলে বলে গৈ মনোনয়ন দাখিল কৰে।