নিয়মীয়া বাৰ্তা, ১৯ জানুৱাৰী : নগৰবেৰা আঞ্চলিক মৌজা কমিটীৰ এশ বছৰ পূৰ্ণ হোৱা উপলক্ষে আজি উখল-মাখল পৰিৱেশত শতবৰ্ষ সমাৰোহ সম্পন্ন হয় | পুৱাতে অঞ্চলটোৰ এশগৰাকীকৈ বিশিষ্ট ব্যক্তিৰ হতুৱাই উত্তোলন কৰা হয় এশখনকৈ পতাকা | বৰ্ণিল সাংস্কৃতিক শোভাযাত্ৰাও উলিওৱা হয়। কেইবাশ লোকে এই সাংস্কৃতিক শোভাযাত্ৰাত অংশ লৈ নগৰবেৰা বজাৰৰ সোঁমাজেদি হাতী সন্মুখত লৈ পদব্ৰজে ৰাজপথেৰে বিভিন্ন সাংস্কৃতিক কাৰ্যসূচী ৰূপায়ণ কৰে | উছৱমুখৰ হৈ পৰে নগৰবেৰাৰ সামগ্ৰিক পৰিৱেশ। ৰাইজৰ মনতো শতবৰ্ষ সমাৰোহক লৈ পৰিলক্ষিত হয় ব্যাপক ব্যস্ততা | শোভাযাত্ৰাৰ অন্তত স্মৰণিকা উন্মোচন, মুকলি সভা আৰু সন্ধিয়ালৈ সাংস্কৃতিক কাৰ্যসূচীৰো আয়োজন কৰা হৈছে |
প্ৰেৰক সঞ্জীৱ কুমাৰ দাস