বিশেষ বার্তা, ৩০ মাৰ্চ : নাহৰকটীয়া মহাবিদ্যালয়ৰ কেন্দ্ৰীয় গ্ৰন্থাগাৰৰ গ্ৰন্থাগাৰ সহায়িকা তথা সাদৰী মহিলা মিনু বৰকাকতীয়ে আজি নিজৰ চাকৰি জীৱনৰ পৰা আনুষ্ঠানিকভাৱে অৱসৰ গ্ৰহণ কৰাৰ ক্ষণত মহাবিদ্যালয় পৰিয়ালৰ তৰফৰ পৰা উষ্ম বিদায় সম্বৰ্ধনা জ্ঞাপন কৰা হয়। এই উপলক্ষে মহাবিদ্যালয়ৰ আলোচনা কক্ষত অনুষ্ঠিত হোৱা আৰু মহাবিদ্যালয়ৰ প্ৰশাসনিক সমন্বয়ক স্মৃতিৰেখা গগৈ গায়নে আঁত ধৰা এক বিদায় সম্বৰ্ধনা সভাত মিনু বৰকাকতীক গ্ৰন্থাগাৰ বিভাগ, মহাবিদ্যালয় কৰ্তৃপক্ষ আৰু মহিলা অধ্যয়ন কোষৰ তৰফৰ পৰা বস্ত্ৰ আৰু গামোচাৰে বিদায় সম্ভাষণ জ্ঞাপন কৰাৰ লগতে অধ্যক্ষ ডঃ জ্যোতিপ্ৰসাদ কোঁৱৰ, অধ্যাপক ডঃ প্ৰশান্ত দত্ত, অধ্যাপিকা ডঃ স্মৃতিৰেখা গগৈ গায়ন, অধ্যাপিকা ডঃ চন্দ্ৰমল্লিকা সন্দিকৈ, গ্ৰন্থাগাৰিক সুৰজ গগৈ, অধ্যাপক কুঞ্জমুকুল গগৈ আদিকে ধৰি উপস্থিত ব্যক্তিসকলে ১৯৯৯ চনৰ পৰা আজিলৈকে সুদীৰ্ঘ ২৫টাকৈ বছৰ অস্থায়ী কৰ্মচাৰী ৰূপে মহাবিদ্যালয়ৰ গ্ৰন্থাগাৰটোলৈ বৰকাকতীয়ে যি নিৰৱচ্ছিন্ন সেৱা আগবঢ়াই গ’ল, তাক শ্ৰদ্ধাৰে স্মৰণ কৰি কৃতজ্ঞতা জ্ঞাপন কৰাৰ লগতে তেওঁৰ অৱসৰকালীন জীৱন সু-স্বাস্থ্যৰে ভৰি পৰাৰ কামনা কৰে।
প্ৰেৰক প্ৰাঞ্জল ভূঞা