নিয়মীয়া বাৰ্তা, ৫ আগষ্ট : নাজিৰা সমষ্টিৰ ৰহদৈ আলি নিৱাসী এজন আৰক্ষী জোৱান যোৱা ২৭ জুলাইৰ পৰা সন্ধানহীন হৈ থকা ঘটনাই অঞ্চলটোত ব্যাপক চাঞ্চল্যৰ সৃষ্টি কৰিছে । জানিব পৰা মতে, নাজিৰাৰ ৰহদৈ আলি নিমাইগড় হাবি গাঁৱৰ ৰবিউল হুছেইন নামৰ অসম আৰক্ষীৰ ২৬নং বেটেলিয়নৰ জোৱানজন ২৭ জুলাইৰ দিনা নিজা বাসগৃহৰ পৰা মানকাচাৰৰ কৰ্মস্থলীলৈ যোৱাৰ পথত সন্ধানহীন হৈ পৰে । পৰিয়ালৰ লোকে কৰ্মস্থলীৰ লগতে বিভিন্ন স্থানত খবৰ কৰাৰ পিছতো কোনো সন্ধান নাপাই অৱশেষত স্থানীয় আৰক্ষী থানাত আৰক্ষী জোৱানজন সন্ধানহীন হোৱা সন্দৰ্ভত এখন এজাহাৰ দাখিল কৰে। কোনো লোকে জোৱানজনৰ সন্ধান পালে পৰিয়ালৰ লোকে 6000799948 নম্বৰত অথবা সমীপৰ আৰক্ষী থানাত যোগাযোগ কৰিবলৈ অনুৰোধ জনাইছে ।
প্ৰেৰক নেকিব আহমেদ