নিয়মীয়া বাৰ্তা, ২ এপ্ৰিলঃ ৰাজ্যত গঠন হল আৰু এটা ৰাজনৈতিক দল। বাক্সাৰ বৰবৰী (ধনবিল) এন ডি এফ বি ডেজিগনেটেড শিবিৰত নতুন ৰাজনৈতিক দলটো গঠন কৰা হয়। প্ৰাক্তন এন ডিএফ বি নেতা-কেডাৰক লৈ গঠন হয় নতুন ৰাজনৈতিক দলটো। আজিৰ দিনটোতে এ পি বি (অলটাৰনেটিভ পলিটিকেল পাৰ্টি অফ বড়োলেণ্ড) নতুন নামকৰণেৰে আত্ম প্ৰকাশ হয় বিটিএডিত ৰাজনৈতিক দলটো। ইফালে দলটোৰ সভাপতি হিচাপে নিৰ্বাচিত হয় ড০ অঞ্জলি দৈমাৰী। লগতে সাধাৰণ সম্পাদক (প্ৰশাসনিক) হিচাপে নিযুক্ত হৈছে প্ৰাক্তন ডি আই জি প্ৰদীপ কুমাৰ ব্ৰহ্ম। সাধাৰন সম্পাদক (সাংগঠনিক) হিচাপে দায়িত্ব দিয়া হৈছে জগদীশ বসমতাৰীক। আনহাতে আজিয়ে এখন ২৭জনীয়া সমিতি গঠন কৰা হয় নৱগঠিত দলটোৰ।
প্ৰেৰক লৱ কুমাৰ দাস