নিয়মীয়া বাৰ্তা
অসমৰ সৰ্বাধিক প্ৰচলিত দৈনিক বাতৰিকাকত

নিউজ লাইভৰ সাংবাদিক মানৱজ্যোতি বৰালৈ জীৱনজোৰা সাধনা বঁটা

বিশেষ বাৰ্তা, ১ এপ্ৰিল : নগাঁৱৰ নিউজ লাইভৰ সাংবাদিক মানৱজ্যোতি বৰালৈ সৰ্বভাৰতীয় সংগীত আৰু সংস্কৃতি পৰিষদে আগবঢ়াইছে জীৱনজোৰা সাধনা বঁটা। যোৱা ২৮ মাৰ্চত কলকাতাৰ নেতাজী সুভাষ চন্দ্ৰ বসু ইন্দোৰ ষ্টেডিয়ামত অনুষ্ঠিত এক গাম্ভীৰ্যপূৰ্ণ অনুষ্ঠানত সাংবাদিক বৰাক এই বঁটা প্ৰদান কৰা হয়। এই বঁটাত আছে এটা স্মাৰক আৰু সম্বৰ্ধনা পত্ৰ। উল্লেখ্য যে,দুই দশকৰো অধিক কাল সংবাদ মাধ্যমৰ লগত জড়িত বৰাক এই বঁটা লাভ কৰাত নগাঁৱৰ বিভিন্ন দল-সংগঠনে শুভেচ্ছা আৰু অভিনন্দন জনাইছে। বৰা বৰ্তমান নিউজ লাইভৰ নগাঁৱৰ জৈষ্ঠ সাংবাদিক হিচাপে কৰ্মৰত।
প্ৰেৰক কনক হাজৰিকা
You might also like