নিয়মীয়া বাৰ্তা ১৮ ফেব্ৰুৱাৰীঃ সৰস্বতী পূজাৰ বিশেষ দিনটোত ছেটেলাইট চেনেল ‘নিউজ লাইভ’–এ আয়োজন কৰা ‘প্রজ্ঞাসুন্দৰী’ প্রতিযোগিতাত বিচাৰকৰ চূডান্ত বাছনিত বিজয়ী হিচাপে বিবেচিত হোৱা পাঁচগৰাকীৰ ভিতৰত স্থান লাভ কৰিলে নগৰবেৰাৰ বিপ্র চলিহা মহাবিদ্যালয়ৰ ডিগ্রী তৃতীয় ছিমেষ্টাৰৰ ভাবনা ঠাকুৰীয়া৷ নগৰবেৰাৰ পিজুপাৰা গাঁৱৰ জুনু ঠাকুৰীয়া আৰু সোণপাহি ঠাকুৰীয়াৰ জ্যেষ্ঠ কন্যা ভাবনা ঠাকুৰীয়াই ছেলফী প্রতিযোগিতাখনত এনে ধৰণৰ সফলতা লাভ কৰি বেছ উৎফুল্ল হৈ পৰিছে৷ ভাবনাই সুন্দৰকৈ নাচিব জানে, অভিনয়ো কৰে৷ ছাত্রীগৰাকীৰ সফলতাত পৰিয়ালৰ লগতে গাঁওবাসী আৰু মহাবিদ্যালয় পৰিয়ালতো উলাহৰ ঢ়ৌ নামিছে৷ মহাবিদ্যালয়ৰ অধ্যক্ষ ড০ বিভূতি ভূষণ পাণ্ডাই ছাত্রীগৰাকীৰ এনে সফলতাৰ বাবে সন্তুষ্টিৰ কথা ব্যক্ত কৰে আৰু সম্বর্ধনা জনাববুলিও জনায়৷