🔹 ২৬টা ড্ৰাগছভৰ্তি কন্টেইনাৰ জব্দ
নিয়মীয়া বাৰ্তা, ১০ নৱেম্বৰ : পূব গোৱালপাৰাৰ শিমলীতোলা আৰক্ষীৰ বৃহৎ সফলতা। শিমলীতোলা কামাৰপোতাত যোৱানিশা ২৬টাকৈ ড্ৰাগছভৰ্তি কন্টেইনাৰসহ এজন ড্ৰাগছ সৰবৰাহকাৰীক আটক কৰিবলৈ সক্ষম হয় আৰক্ষীয়ে | ধৃত ড্ৰাগছ সৰবৰাহকাৰীটো শিমলীতোলা কামাৰপোতা গাঁৱৰ ছালাম আলী। আনহাতে, জব্দকৃত ড্ৰাগছখিনিৰ পৰিমাণ ১৪.৪৯ গ্ৰাম বুলি জানিব পৰা গৈছে | এক গোপন খবৰৰ পম খেদি শিমলীতোলা আৰক্ষী চকীৰ ভাৰপ্ৰাপ্ত আৰক্ষী বিষয়া হৰ্ষজিৎ দাসৰ নেতৃত্বত নিশা শিমলীতোলা কামাৰপোতাত ড্ৰাগছৰ বিৰুদ্ধে আৰক্ষীয়ে এক অভিযান চলায় আৰু নৱাগত শিমলীতোলা ৰাইজৰ সহযোগত কামাৰপোতা গাঁৱৰ ছালাম আলী নামৰ যুৱকজনক আটক কৰাৰ লগতে ২৬টা ড্ৰাগছভৰ্তি কন্টেইনাৰ জব্দ কৰিবলৈ সক্ষম হয় অভিযানকাৰী আৰক্ষীৰ দলটিয়ে |
প্ৰেৰক সঞ্জীৱ কুমাৰ দাস