নিয়মীয়া বাৰ্তা, ১৫ ডিচেম্বৰ : হোজাইত বৃহৎ পৰিমাণৰ বাৰ্মিজ চুপাৰি জব্দ কৰে আৰক্ষীয়ে। শিলচৰৰ পৰা বৰপেটাৰোডলৈ নিয়াৰ পথত হোজাইৰ কপাহবাৰীৰ সমীপৰ পৰা আৰক্ষীয়ে জব্দ কৰে বলেৰ’ পিকআপভৰ্তি চুপাৰি। জব্দকৃত বাহনখনৰ নম্বৰ হ’ল AS-01QC-2313 । ঘটনাস্থলীৰ পৰা আটক কৰে উক্ত বাহনখনৰ হেণ্ডিমেন কবিৰুল ইছলামক। সুযোগ বুজি বাহনখনৰ পৰা পলায়ন কৰে চালকজনে। উল্লেখ্য যে বিশেষ সূত্ৰৰ পম খেদি লংকাৰ তিনিআলি আৰক্ষী আৰু শংকৰদেৱ নগৰ আৰক্ষীয়ে বাহনখন অনুসৰণ কৰি গৈ জব্দ কৰে বাৰ্মিজ চুপাৰিভৰ্তি বাহনখন। বাহনখনত বাৰ্মিজ চুপাৰি লুকুৱাই তাৰ ওপৰত কেইবাবস্তা তামোল ৰাখি সংগোপনে আনিছিল চোৰাং বাৰ্মিজ চুপাৰিখিনি। বাৰ্মিছ চুপাৰিখিনিৰ মুঠ পৰিমাণ জানিব পৰা হোৱা নাই । বাহনখনৰ হেণ্ডিমেন কবিৰুল ইছলামক শংকৰদেৱ নগৰত আটক কৰি আৰক্ষীয়ে তদন্ত অব্যাহত ৰাখিছে।
প্ৰেৰক কিশলয় ডি গোস্বামী