নিয়মীয়া বাৰ্তা, ১৯ মাৰ্চঃ আজি কাজিৰঙা ৰাষ্ট্ৰীয় উদ্যান কৰ্তৃপক্ষৰ ছ’চিয়েল মিডিয়াত এক ডাঙৰ খবৰৰ কথা প্ৰকাশ কৰে। ছ’চিয়েল মিডিয়াত এখন ফটো চেয়াৰ কৰি ৰাষ্ট্ৰীয় উদ্যান কৰ্তৃপক্ষ বলীউডৰ খিলাড়ী অক্ষয় কুমাৰক ধন্যবাদ জনোৱাৰ লগতে ‘কাজিৰঙা’ ভ্ৰমণ কৰিবলৈ আমন্ত্ৰণ জনাই লিখিছে, “অক্ষয় কুমাৰ ডাঙৰীয়া, আপোনাৰ সাহায্যৰ ধন ৰাষ্ট্ৰীয় উদ্যানত উচ্চ ভূমি নিৰ্মাণ, ফ্লোটিং কেম্প, চোৰাং চিকাৰ বিৰোধী শিবিৰ আৰু আৰ্দ্ৰভূমিৰ বিকাশৰ বাবে ব্যৱহাৰ কৰা হয়। আপোনাক বন্যজীৱজন্তুৰ স্বৰ্গ ‘কাজিৰঙা’ ভ্ৰমণ কৰিবলৈ আমন্ত্ৰণ জনাইছোঁ।”
Shri Akshay Kumar @akshaykumar
Your donation is used for construction of high land, floating camps, anti-poaching camps and development of wetland.We cordially invite you to visit the wild paradise ‘Kaziranga’@assamforest @ntca_india @mygovassam pic.twitter.com/vBmFupSkGk
— Kaziranga National Park & Tiger Reserve (@kaziranga_) March 19, 2022
উল্লেখ্য যে ২০১৯ বৰ্ষত প্ৰলংয়কাৰী বানে প্ৰভাৱিত কৰা অসমৰ বিভিন্ন ঠাইৰ খবৰত উদীগ্নতা প্ৰকাশ কৰি খিলাড়ী অক্ষয় কুমাৰে অসমৰ মুখ্যমন্ত্ৰী সাহায্য পুঁজিলৈ আৰু কাজিৰঙা ৰাষ্ট্ৰীয় উদ্যান উদ্ধাৰৰ বাবে প্ৰতিটোতে ১ কোটি টকাকৈ দান কৰিছিল। যি কথা তেওঁ টুইটাৰ একাউণ্টৰ জৰিয়তে ঘোষণা কৰিছিল।
আৰু অক্ষয় কুমাৰৰ পৰা লাভ কৰা এই পুজি সদ ব্যৱহাৰৰ কথা আজি প্ৰকাশ কৰিছে কাজিৰঙা ৰাষ্ট্ৰীয় উদ্যান কৰ্তৃপক্ষই।