নিয়মীয়া বাৰ্তা, ৯ জুনঃ লখিমপুৰ জিলাৰ বৰদলনী শিক্ষাখণ্ডৰ অন্তগত পতীয়া চাপৰি উচ্চ মাধ্যমিক বিদ্যালয়ত আজি ছাত্ৰ-ছাত্ৰীৰ এখন অভিভাৱক সভা অনুস্থিত কৰি শিক্ষক, ছাত্ৰ-ছাত্ৰী আৰু অভিভাৱকৰ মাজত সমন্বয়ৰ সেতু গঢ়ি তোলাৰ প্ৰয়াস কৰাৰ লগতে ২০২২-২০২৩ বৰ্ষৰ হাইস্কুল শিক্ষান্ত পৰীক্ষাত উত্তিৰ্ণ ছাত্ৰ-ছাত্ৰীসকলক সম্বৰ্ধনা জনায় বিদ্যালয়ৰ পৰিয়াল, ছাত্ৰ একতা সভা আৰু বিদ্যালয় পৰিচালনা সমিতিয়ে ৷ পতীয়া চাপৰি উচ্চ মাধ্যমিক বিদ্যালয়ৰ বিদ্যালয় পৰিচালনা আৰু উন্নয়ন সমিতিৰ সভাপতি দুলাল চুতীয়াৰ সভাপতিত্বত বিদ্যালয়ৰ সভাকক্ষত অনুস্থিত অভিভাৱক সভাত বিদ্যালয়ৰ ছাত্ৰ-ছাত্ৰীৰ অভিভাৱক/অভিভাৱিকা আৰু শিক্ষক-শিক্ষয়িত্ৰীৰ মাজত মত বিনিময় অনুস্থান অনুস্থিত কৰি শিক্ষক-অভিভাৱকৰ মাজৰ ব্যৱধান হ্ৰাস কৰাৰ প্ৰয়াস কৰা হয় ৷ সভাত ২০২২-২০২৩ বৰ্ষত বিদ্যালয়খনৰ পৰা হাইস্কুল শিক্ষান্ত পৰীক্ষাত অৱতীৰ্ণ হৈ পৰিয়াল, বিদ্যালয় আৰু অঞ্চলটোলৈকো গৌৰৱ কঢ়িয়াই সুখ্যাতিৰে উত্তীৰ্ণ হোৱা কীৰ্তিমানসকলক ফুলাম গামোচা, মানপত্ৰ, কাগজ-কলম আদিৰে সম্বৰ্ধনা জনাই উৎসাহিত কৰা কাৰ্যক ভূয়ংসী প্ৰশংসা কৰে অঞ্চলৰ সমাজ সচেতন শিক্ষানুৰাগী ৰইজৰ লগতে ছাত্ৰ-ছাত্ৰী আৰু অভিভাৱক-অভিভাৱিকাসকলে ৷
প্ৰেৰক ৰাজেশ বুঢ়াগোহাঞি