নিয়মীয়া বাৰ্তা, ৫ নৱেম্বৰ : ৰাজ্যৰ বিভিন্ন প্ৰান্তৰ লগতে আজি কামৰূপ জিলাৰ নগৰবেৰাতো দিনজোৰা কাৰ্যসূচীৰে ভাৰতৰত্ন ড° ভূপেন হাজৰিকাৰ মৃত্যু তিথি পালন কৰাৰ লগতে মহান শিল্পীগৰাকীৰ অমৰ সৃষ্টিৰাজি সুঁৱৰি শ্ৰদ্ধাঞ্জলি অনুষ্ঠানৰ আয়োজন কৰা হয়। উক্ত অনুষ্ঠানত সুধাকণ্ঠৰ প্ৰতিচ্ছবিত মাল্যাৰ্পণ আৰু শ্ৰদ্ধাঞ্জলি অনুষ্ঠানৰ লগতে কণ কণ শিশুই সুধাকণ্ঠৰ কালজয়ী গীত “মানুহে মানুহৰ বাবে” পৰিৱেশন কৰি অনুষ্ঠানটো অনন্য কৰি তোলে। ইয়াৰ পাছতেই ছাত্ৰ-ছাত্ৰীসকলৰ মাজত চিত্ৰাংকন প্ৰতিযোগিতাৰো আয়োজন কৰা হয় ৷ আজিৰ এই অনুষ্ঠানত অঞ্চলটোৰ কেইবাগৰাকী বিশিষ্ট ব্যক্তি উপস্থিত থাকি শিল্পীগৰাকীক সোঁৱৰণ কৰে।
প্ৰেৰক সঞ্জীৱ কুমাৰ দাস