নিয়মীয়া বাৰ্তা, ৪ জুন : অসম বাৰ্তাজীৱী সংঘৰ সোণালী জয়ন্তী উপলক্ষে বিশ্বনাথ জিলা বাৰ্তাজীবি সঙ্ঘৰ উদ্যোগত আজি বেদেতীৰ অসম আদৰ্শ বিদ্যালয়ত গছপুলি ৰোপণ কাৰ্যসূচী গ্ৰহণ কৰা হয়। বিশ্বনাথ জিলা বাৰ্তাজীৱী সংঘৰ সম্পাদক দীপক শৰ্মাই কাৰ্যসূচী আঁত ধৰি অসম বাৰ্তাজীৱী সংঘৰ সোণালী জয়ন্তী উপলক্ষে অসমৰ প্ৰতিখন জিলা সমিতিক গছপুলি ৰোপণ কৰাৰ বাবে ৰাজ্যিক সমিতিয়ে দায়িত্ব দিয়াৰ কথা উল্লেখ কৰি তেওঁ বিদ্যালয়ৰ ছাত্ৰ-ছাত্ৰীৰ জন্মদিনত একোটাকৈ গছপুলি ৰোপণ কৰিবলৈ অনুৰোধ জনায়। আনহাতে জিলা সভাপতি নগেন শইকীয়াই বৰ্তমান গোলকীয় উষ্ণতা বৃদ্ধিৰ বাবে জধেমধে গছ কটাৰ বাবেই হোৱা বুলি কৈ সকলো লোকক অন্ততঃ একোটাকৈ গছপুলি ৰোপণ কৰিবলৈ আহ্বান জনায়। অনুষ্ঠানত জিলা সভাপতি নগেন শইকীয়া, জেষ্ঠ সাংবাদিক ভুবন লুইটেল, আৰু সমাজ কৰ্মী মহম্মদ আলি হুছেইনে একোটাকৈ গছপুলি ৰোপণ কৰি অনুষ্ঠানৰ শুভাৰম্ভ কৰে। অনুষ্ঠানত বিদ্যালয়ৰ ছাত্ৰ-ছাত্ৰীৰ লগতে অভিভাৱক, সাংবাদিক দিগন্ত কুমাৰ দাস, খগেন মটক আৰু মহেন্দ্ৰ পগাগ উপস্থিত থাকে।
প্ৰেৰক ভুৱন লুইটেল