নিয়মীয়া বাৰ্তা, ৩০ মে’ : মৰিগাঁও জিলাৰ লাহৰীঘাটত আৰক্ষীৰ অভিযানত ৰাইফল আৰু সক্ৰিয় গুলীসহ চোৰাং চিকাৰীক গ্ৰেপ্তাৰ কৰিবলৈ সক্ষম হয়। গোপন সূত্ৰৰ পমখেদি লাহৰীঘাট আৰক্ষী আৰু বন বিভাগৰ যুটীয়া অভিযানত এটা গঁড় চিকাৰী গ্ৰেপ্তাৰ কৰিবলৈ সক্ষম হয়। লাহৰীঘাটৰ দাতিয়ালবড়ী গাঁৱৰ পৰা চামচুল হক নামৰ চোৰাং গঁড় চিকাৰীক গ্ৰেপ্তাৰ কৰে। ধৃত গঁড় চিকাৰীটোৰ ঘৰৰ পৰা এটা ৩০৩ ৰাইফল, এটা ৩০৩ মেগাজিন আৰু ১৬টা ৭.৬২ এম এম সক্ৰিয় গুলী জব্দ কৰে। সম্প্ৰতি ধৃত চোৰাং চিকাৰীটোক লাহৰীঘাট থানাত সোধাপোছা অব্যাহত ৰাখিছে।
প্ৰেৰক আবুল কালাম