নিয়মীয়া বাৰ্তা, ১৯ ফেব্ৰুৱাৰীঃ যোৱানিশা ধুবুৰী জিলাৰ গৌৰীপুৰ আৰক্ষীৰ অভিযানত বাংলাদেশলৈ চোৰাংকৈ নিবলৈ অনা চাৰিটা গৰুসহ গৰুৰ চোৰাং সৰবৰহকাৰীৰ দল এটা কৰায়ত্ত হোৱা বুলি জানিব পৰা গৈছে। জানিব পৰা মতে, গোপন এক তথ্যৰ ভিত্তিত গৌৰীপুৰ থানাৰ অন্তৰ্গত শিলাইৰপাৰ অঞ্চলত আৰক্ষীয়ে এক অভিযান চলাইছিল। অভিযানটোত চাৰিটাকৈ গো-ধন উদ্ধাৰ হোৱাৰ সমান্তৰালকৈ ৬ জনকৈ গো-সৰবৰাহকাৰী ধৰা পৰে। দলটোৰ পৰা ৫টাকৈ মটৰ চাইকেলো জব্দ কৰিছে আৰক্ষীয়ে। জানিব পৰা মতে ধৃত কেইজন হ’ল জলডোবা ১ম খণ্ড গাঁৱৰ হোছেন আলী, মোজাম্মেল হক, বাহাজ উদ্দিন পৰামানিক, সাহাজ উদ্দিন পৰামানিক, আসাদ পৰামানিক আৰু উত্তৰ গেৰামাৰী গাঁৱৰ হবিবৰ ৰ’হমান সেখ।
প্ৰেৰক অমিতাভ চক্ৰৱৰ্তী