নিয়মীয়া বাৰ্তা, ২৬ জুনঃ আজি আৰক্ষীয়ে অভিযান চলাই ধুবুৰী চহৰৰ পাৰ্শ্বৱৰ্তী ঝগৰাৰপাৰ প্ৰথম খণ্ড অঞ্চলৰ পৰা বুজন পৰিমাণৰ নিচাযুক্ত কফচিৰাপৰ বটলসহ এজন ড্ৰাগচ সৰবৰাহকাৰীক কৰায়ত্ব কৰা বুলি জানিব পৰা গৈছে। জানিব পৰা মতে, গোপন তথ্যৰ ভিত্তিত আজি ধুবুৰীৰ বি.এন.কলেজ নগৰ আৰক্ষী চকীৰ এটি দলে চহৰখনৰ পাৰ্শ্বৱৰ্তী ঝগৰাৰপাৰ প্ৰথম খণ্ড গাওঁত এক ড্ৰাগচ বিৰোধী অভিযান চলাইছিল। উক্ত অভিযানত আৰক্ষীৰ দলটোৱে বুজন পৰিমাণৰ নিচাযুক্ত কফচিৰাপৰ বটলসহ এজন ড্ৰাগচ সৰবৰাহকাৰীক কৰায়ত্ব কৰে। ধৃত আলী হুছেইন নামৰ ড্ৰাগচ সৰবৰাহকাৰীজনক বৰ্তমানে আৰক্ষীয়ে জেৰা চলাই থকা বুলি প্ৰকাশ।
প্ৰেৰক অমিতাভ চক্ৰৱৰ্তী