নিয়মীয়া বাৰ্তা, ৬ এপ্ৰিল : শোণিতপুৰৰ চাৰিদুৱাৰ ফৰেষ্টগেটৰ জ্ঞান বিকাশ একাডেমীৰ অধ্যক্ষ গনেশ দাস ওৰফে গণেশ লুইতপৰীয়াই নিজ বিদ্যালয়ৰ কোঠাত এগৰাকী ছাত্ৰীৰ সৈতে অসংযত অৱস্থাত থকাৰ ভিডিঅ ভাইৰেল হোৱাত অঞ্চলজুৰি চাঞ্চল্যৰ সৃষ্টি হৈছে । উত্থাপিত অভিযোগ অনুসৰি গণেশ লুইতপৰীয়াই নিজৰ বিদ্যালয়ত এটা কোঠাত ইউনিফৰ্ম পৰিহিতা এগৰাকী ছাত্ৰীৰ সৈতে অসংযত অৱস্থাত থকাৰ এটা ভিডিঅ ভাইৰেল হৈছে। ঘটনাক কেন্দ্ৰ কৰি অঞ্চলটোৰ সচেতন ৰাইজে লম্পট গণেশ লুইতপৰীয়াৰ এনে কাৰ্যক গৰিহণা দিয়াৰ লগতে বিদ্যালয়ৰ অধ্যক্ষৰ পদৰপৰা বহিষ্কাৰ কৰিবলৈ দাবী জনাইছে। বিষয় সন্দৰ্ভত আৰক্ষী-প্ৰশাসনে তদন্ত অব্যাহত ৰাখিছে। আজি ঘটনাস্থলীত চাৰিদুৱাৰ ৰাজহ চক্ৰ বিষয়া, বালিপৰা খণ্ড প্ৰাথমিক শিক্ষা বিষয়া উপস্থিত হৈ বিষয়টোৰ অধিক তদন্ত কৰে।
প্ৰেৰক প্ৰাঞ্জল বৰা