নিয়মীয়া বাৰ্তা, ২৬ জুনঃ কালি ৰাজ্যৰ এক অন্যতম সামাজিক–সাংস্কৃতিক অনুষ্ঠান ‘‘প্ৰজ্ঞা ফউণ্ডেচন’ৰ ধুবুৰী জিলা সমিতিখন গঠন কৰা হয়। সেই উপলক্ষে ৰাষ্ট্ৰীয় স্বয়ংসেৱক সংঘৰ ধুবুৰীস্থ জিলা কাৰ্য্যালয় ‘‘কেশৱ মাধৱ ধাম’’ত প্ৰজ্ঞা ফাউণ্ডেচন’ৰ ধুবুৰী জিলাৰ প্ৰভাৰী সীমান্ত শেখৰৰ উপস্থিতিত যোৱাকালি সন্ধিয়া এখন বিশেষ বৈঠক অনুষ্ঠিত হয়। সেই বৈঠকখনতে ডাঃ মৃদুল অধিকাৰীক সভাপতি, ডাঃ ধ্ৰুৱ চক্ৰৱৰ্তীক উপ–সভাপতি, জাহ্নবী শইকীয়াক সাধাৰণ সম্পাদক, সোমনাথ চক্ৰৱৰ্তীক সংবাদ মাধ্যম, মামণি ৰায়ক কোষাধ্যক্ষ, অনুকুল চন্দ্ৰ ৰায় আৰু শুভম ঘোষক সামাজিক মাধ্যমৰ দায়িত্বভাৰ প্ৰদান কৰি সংগঠনটোৰ ধুবুৰী জিলা সমিতিখন গঠন কৰা হয়।
প্ৰেৰক অমিতাভ চক্ৰৱৰ্তী