নিয়মীয়া বাৰ্তা, ১৪ জুলাই : সদৌ অসম ছাত্ৰ সন্থাৰ আহ্বানত শুকুৰবাৰে সদৌ নলবাৰী জিলা ছাত্ৰ সন্থাই অত্যাৱশ্যকীয় সামগ্ৰীৰ মূল্যবৃদ্ধি আৰু মূল্যবৃদ্ধি ৰোধত চৰকাৰৰ ব্যৰ্থতাৰ প্ৰতিবাদত নলবাৰী চহৰত বিক্ষোভ কাৰ্যসুচী ৰূপায়ণ কৰে। সদৌ নলবাৰী জিলা ছাত্ৰ সন্থাৰ সভাপতি গুণজ্যোতি পাঠক, সাধাৰণ সম্পাদক অক্ষয় ডেকা, সদৌ অসম ছাত্ৰ সন্থাৰ শিক্ষা সম্পাদক ভৱজিৎ বেজবৰুৱা, কেন্দ্ৰীয় কাৰ্যনিৰ্বাহক ৰিয়াজউদ্দিন আহমেদৰ নেতৃত্বত দুই শতাধিক ছাত্ৰ কৰ্মীয়ে নলবাৰী শ্বহীদ ভৱনৰ পৰা বৰুৱা ৰোড, জৈন মন্দিৰ, বাটা চ’ক, বড় মছজিদ হৈ সমদল কৰি যোগান মন্ত্ৰী হায় হায়, অসম চৰকাৰ হায় হায়, মূল্যবৃদ্ধি ৰোধত ব্যৰ্থ অসম চৰকাৰ হুচিয়াৰ শ্লোগানেৰে উত্তাল কৰি তোলে ।
প্ৰেৰক শ্বাহ আলম আহমেদ