নিয়মীয়া বাৰ্তা, ২৯ ছেপ্টেম্বৰ : উজনি মাজুলী জেংৰাইমুখ থানাৰ অন্তৰ্গত চাওৰেকীয়া মিলি তিনিআলিৰ পুতুল গগৈ নামৰ ব্যক্তিগৰাকী যোৱা ২৭ ছেপ্টেম্বৰৰ পৰা সন্ধানহীন হৈ আছে। পৰিয়ালৰ লোকে জনোৱা মতে, পুতুল গগৈয়ে ২৭ ছেপ্টেম্বৰৰ পুৱা ৫.২০ বজাত ঘৰৰ পৰা মিস্ত্ৰী কাম কৰিবলৈ বুলি ওলাই গৈছিল ধেমাজি জিলাৰ মাছখোৱালৈ। মাছখোৱাৰ নিত্যা কোচ নামৰ লোকজনৰ বাসগৃহত টিনপাত লগাবলৈ গৈছিল। ঘৰৰ পৰা ওলাই যোৱাৰ পিছৰে পৰা পুতুল গগৈয়ে মাজুলীৰ ঘৰখনৰ লগত কৰা নাই কোনো যোগাযোগ। আজি পৰ্যন্ত পুতুল গগৈৰ লগত যোগাযোগ কৰিব নোৱাৰি মাছখোৱাৰ নিত্যা কোচৰ সৈতে যোগাযোগ কৰে যদিও নিত্যা কোচে কয়- আমাৰ ঘৰত পুতুল গগৈ নামৰ কোনো ব্যক্তি মিস্ত্ৰী কাম কৰিবলৈ অহা নাই। উপায়হীন হৈ পুতুল গগৈৰ পৰিয়ালে নয়াবজাৰ টহলদাৰী আৰক্ষী চকীত পুতুল গগৈ নিৰুদ্দেশ হৈ থকা সম্পৰ্কত গোচৰ তৰিছে। পৰিয়ালৰ লোকে কোনো লোকে যদি পুতুল গগৈৰ সন্ধান লাভ কৰে, তেনে ৯৯৫৪৯-৬২৮৪১ নম্বৰত যোগাযোগ কৰিবলৈ অনুৰোধ জনাইছে ।
প্ৰেৰক প্ৰাঞ্জল খাউণ্ড